Amerika kërkon nga Serbia, të sqarojë se çka ka nënshkruar ministri i Jashtëm, Selakoviq me ministrin rus, Llavrov, në Nju Jork

Ambasadori i Amerikës në Serbi, Kristofer Hill, ka bërë të ditur  se Uashingtoni zyrtar  ka kërkuar  shpjegim nga Serbia, që të sqarojë  se çka ka nënshkruar  ministri i Jashtëm, Nikolla Selakoviq  me ministrin  rus, Sergej Llavrov,   në Nju Jork. Duke folur për gazetarët në Beograd, Hill ka thënë se, javën e kaluar, në Nju Jork janë mbajtur bisedime të shkëlqyeshme midis delegacioneve të SHBA-së dhe Serbisë, por se në fund të tyre është mësuar për nënshkrimin e një protokolli. “Në këtë kohë, askush nuk duhet të nënshkruajë asgjë me Rusinë. Shumë pak edhe e bëjnë këtë. Vetëm ata rekrutë të mjerë që po mobilizohen për të shkuar në luftë, në Ukrainë, ka thënë ambasadori amerikan. Dokumenti për bashkëpunim, të cilin  e  kanë nënshkruar Serbia dhe Rusia, ka shkaktuar reagime të ashpra  brenda Serbisë, por edhe në nivel ndërkombëtar. Disa përfaqësues evropianë kanë thënë se duhet të mendojnë edhe për ngrirjen e negociatave të anëtarësimit të Serbisë në Bashkimin Ebropian.

Kontrolloni gjithashtu

Bedri Hamza është shprehet optimist se do ta fitojë garën për kryetar të Mitrovicës pa balotazh

Bedri Hamza shfaq dyshime lidhur me komunikimin e njërit prej organizatorëve të sulmit në veri të Kosovës me Mimoza Kusarin

Kryetari i Mitrovicës, Bedri Hamza, ka ngritur një zë kritik në lidhje me dialogun me …