Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shumë bashkatdhetarë që jetojnë në Bernë, rrethinë e në qytete tjera të Zvicrës, u tubuan në Ostermundigen për ta nderuar jetën dhe veprën e Astrit Deharit, i cili ndërroi jetë në Burgun e Prizrenit, në rrethana të pasqaruara. Deri tani askush nga organet kompetente të pushtetit nuk ka dhënë asnjë lloj përgjegjëse. Të prekur thelle dhe të indinjuar nga ky rast, bashkatdhetarët e kërkuan drejtësi të pavarur dhe të pamotivuar politikisht për Astrit Deharin. Para të pranishmëve, përfaqësues i Lëvizjes Vetëvendosje, Sami Kurteshi, i cili pasi foli për figurën e Astrit Deharit si njeri dhe veprimtarë i dalluar, tha se kjo vrasje është e qëllimshme nga një pushtet kriminal.
Ndaj, siç shkruan portali “zsh”, është më se e nevojshme që të bëhen hetime të pavarura dhe të besueshme. Para të pranishmëve foli edhe Kryetari i Qendrës së Vetëvendosjes për Zvicër, Mujë Shala. Në këtë rast dhe në të gjitha rastet tjera gjërat duhet të thuhen me gjuhën e vërtetë, ndaj edhe ka ardhur koha që t’i thuhet mjaft kësaj politike kriminale- nënvizoi Shala. Këtë tubim e udhëhoqi njëri nga organizatorët, Ismet Rashiti, i cili shprehu dhembjen për këtë humbje. “Astriti që nga hapat e parë të bërë këtu në Bernë, bashkë me gjithë familjen e tij, ishte vërë në shërbim të lirisë, pavarësisë dhe bashkimit kombëtar. Jemi tubuar këtu të kërkojmë drejtësi për vdekjen e papritur të Astritit tonë Burgun e Prizreni”, tha ndër të tjera ai.
