Besimtarët e besimit islam sot me faljen e namazit të Kurban Bajramit, filluan festën treditore

Besimtarët e besimit islam sot me faljen e namazit të Kurban Bajramit, filluan festën treditore

Besimtarët e besimit islam sot me faljen e namazit filluan festën triditore të  Kurban Bajramit. Me këtë festë kurorëzohet Haxhi, që është kushti i pestë i islamit, një dëshmi për solidaritet dhe mirëqenie. Manifestimi qendror për territorin e Kosovës është mbajtur në Xhaminë e Madhe, në Prishtinë. Ligjëratën tematike kushtuar kësaj feste e ka mbajtur Hetem Sopjani, kryetar i Këshillit të Bashkësisë Islame në Prishtinë. Faljes së Namazit të Kurban-Bajramit i priu, Jakup Çunaku, drejtor i Medresesë “Alaudin” në Prishtinë, i cili tha se sot është një ditë e madhe për të gjithë myslimanët, Ai tha se janë 1100 haxhi nga Kosova që sot përfundojnë haxhin në Mekë. Ndërsa, kryeimami i Bashkësisë Islame të Kosovës, Sabri Bajgora, duke dhënë mesazhin e Kurban-Bajramit, tha se në këtë ditë të rëndësishme të mos mungojë solidariteti në mes nesh. Edhe në Tiranë në Sheshin Skënderbeu, mijëra besimtarë islamë kanë falur namazin e Kurban Bajramit në Shesh. Kryetari i myslimanëve të Shqipërosë, Skënder Bruçaj, në mesazhin e tij bëri thirrje për më shumë solidaritet, dashuri dhe  paqe mes njerëzve.

Kontrolloni gjithashtu

Zelensky

Volodimir Zelensky është përgjigjur ashpër në deklaratën e ish-sekretarit amerikan të shtetit, Henry Kissinxher

Kryetari Ukrainës, Vladimir Zelensky është përgjigjur ashpër në deklaratën e ish-sekretarit amerikan të shtetit, Henry …