Deputeti i PDK-së, Elmi Reçica në krye të një delegacioni ka zhvilluar një vizitë zyrtare në Kuvendin e Republikës së Shqipërisë

Deputeti i PDK-së dhe anëtar i Komisionit Parlamentar për Integrim Evropian,  Elmi Reçica së bashku me kolegë të tjerë ka zhvilluar një vizitë zyrtare në Kuvendin e Republikës së Shqipërisë. Ai me bashkëpunëtorë kanë takuar deputetët shqiptarë, me ç’rast kanë diskutuar për proceset integruese ndërmjet dy vendeve si dhe forcimin e marrëdhënieve ndërparlamentare. “Kërkuam angazhim më të fuqishëm të Shqipërisë për njohjen e Kosovës nga pesë shtetet e Bashkimit Evropian të cilat ende nuk na njohin. Kërkuam mbështetjen për anëtarësimin e Kosovës në Këshillin e Evropës. Diskutuam për agjendën Evropiane të Kosovës, për hapat e nevojshëm që Kosova duhet ndjekë për anëtarësim në NATO, si dhe për koordinim dhe krijim të një trupe të përbashkët ndërmjet dy parlamenteve.”, ka thënë Reçica. Në vazhdën e këtyre takimeve, Reçica ka njoftuar se kanë diskutuar edhe me zëvendëskryetaren e Kuvendit të Shqipërisë znj. Ermonela Felaj, me znj. Jonida Tabaku, Kryetare e Komisionit për Integrim Evropian dhe me anëtarët e këtij komisioni, si dhe me znj. Mimi Kodheli kryetare e Komisionit për Politikë të Jashtme dhe me anëtarët tjerë të komisionit. Parlamenti i Shqipërisë është mbështetës i fuqishëm i Kosovës,  ka nënvizuar me këtë rast, Elmi Reçica.

Kontrolloni gjithashtu

Besnik Tahiri

Besnik Tahiri: AAK-ja e shqetësuar me qasjen injoruese të BE-së ndaj Kosovës e trajtimin joserioz të kërkesës për lëvizje të lirë

Shefi i Grupit Parlamentar të AAK-së, Besnik Tahiri ka folur për çështjen e mos liberalizimit …