Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përfaqësuesi special i Departamentit të Shtetit për Ballkanin Perëndimor, Matthew Palmer ka hequr dorë nga pjesëmarrja në Forumin e Sigurisë në Beograd, që do të mbahet nga data 16 deri më 18 tetor, bën të ditur B92. Palmer ishte paralajmëruar se do t’u drejtohej pjesëmarrësve me rastin e hapjes zyrtare të Forumit të Sigurisë në Beograd, të enjten, më 17 tetor, me temën “Zgjidhja e qëndrueshme për Ballkanin Perëndimor”. Në hapjen zyrtare, siç është paralajmëruar, tani do të flasë diplomatja gjermane e ngarkuar për Ballkanin Perëndimor, Suzanne Shic, ish-përfaqësuesja e lartë për Politikë të Jashtme e Sigurisë të BE-së, Ketrin Ashton, si dhe ish-ambasadori francez në Beograd, Frederiko Mondoloni.
