Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, mori pjesë në përurimin e sheshit të Derviçanit, në Dropull, i cili do të mbajë emrin e Konstantinos Mitsotakisit. Rama ka thënë me këtë rast se busti i Micotaqit i cili ishte kryeministri i parë grek që vizitoi Dropullin, do të qëndrojë si shëmbëlltyrë e së vërtetës historike që bashkon dy popujt fqinje. Gjatë fjalës së tij, Edi Rama u shpreh se do të donte që të kishte marrë pjesë në këtë përurim edhe djali i tij, kryeministri aktual grek, Kyriakos Mitsotakis, për tu bindur për “nderin” që po i bëhet babait të tij, i cili me shpërfilljen dhe mos marrjen pjesë i tregoi Ramës, se si babai ashtu edhe djali, në radhë të parë janë grekë dhe në radhë të dytë, antishqiptarë të përbetuar, pavarësisht servilosjes së Edi Ramës, mjerisht jo vetëm të atij, dhe të cilit nuk i ka hije të veprojë kështu, sepse nuk besoj se njëjtë mendon edhe elektorati i tij socialist.
Është ku Micotaqi i ri që kërkon zgjerimin 13 milje të Greqisë në detin e Shqipërisë, është po ky antishqiptar i tërbuar, që kërkon fshirjen edhe të emrit të Çamërisë nga tekstet e historisë së popullit shqiptar, është po kjo shkërdhatë greke që në emër të Qeverisë greke mbron hajnin e hapur të votave, Fredi Bejlerin, është po ku greku që kërcënon se do të vë kushte Shqipërisë për anëtarësim në BE, derisa ajo ta përmirësojë historinë, dhe tekstet e saj shkollore t’ i rishkruajë ashtu sikur kërkon Athina zyrtare.
Edi Rama të paktën këtë dashuri e pranon hapur.
Nesër mund ta dojë edhe më shumë Vuqiqin, për hir të BE-së, për t’ u treguar politikan pragmatik, puro evropiano-amerikan.
Por mbetet enigmatike dashuria e zjarrtë e Albin Kurtit për Greqinë, edhe pse Athina zyrtare e ka bërë të ditur, jo vetëm një herë, por është pak të thuhet 100 herë deri tani se kurrë nuk do ta pranojë pavarësinë e Kosovës, të paktën jo derisa ta pranojë Serbia, BE-ja dhe KS i OKB-së.
Pse nuk flet kurrë ky, Albin Zaim Kurti, se çka e lidh aq shumë me politikën greke, me Greqinë e sotme, sepse me Greqinë antike e lidh, mendja e tij për kulturën dhe filozofinë për të cilën ai krenohet se e zotëron, por pa paraqitur të dhëna, dëshmi, analiza, hulumtime lidhur me antikitetin grek, por vetëm duke u shërbyer me një retorikë të thatë silogjizmatike. Për dy tri vitet e qeverisjes ka qëndruar më shumë se dhjetë herë në Greqi, zyrtarisht dhe privatisht. Me sa di unë nuk e ka vizituar asnjëherë Bullgarinë, një shtet fqinj, i cili e njeh pavarësinë e Kosovës.
Apo ndoshta e do Greqinë aq shumë, në nderim respekt e dashuri që ka për Dejona Mihalisin, një greko shqiptare, që mbanë në duar frenat e Vetëvendosjes, të cilën nuk guxon ta kundërshtojë askush, madje as disa nga ish trimat e UÇK-së, që mburren se janë kacafytë me kriminelët e Millosheviqit gjatë luftës dhe që tani janë në poste të larta zyrtare, as disa ish të burgosur politikë, të cilët nuk pipëtijnë, nuk nxjerrin zë, nuk ndihen gjallë, edhe pse Albini e ka ndërruar “stavin”, i ka ngrënë tashmë edhe të gjitha qershitë e përmjerra, por Asociacionit, nuk po i thotë Zajednicë, as Zajebnicë sikur e quan, analisti Behxhet Shala, por “vetëmenaxhim”. Madje duke insistuar se ky farë vetëmenaxhimi qenka një si OJQ e asgjë më shumë. Realisht, Albin Kurti e pranoi ASOCIACIONIN, madje me përmbajtjen e vitit 2013-2015.
Nuk do të shkruaj tani se çka flitet rrugëve e “kafiqave” për dashurinë e tij ndaj grekëve, të cilët i do shumë më tepër se shqiptarët e Kosovës, të cilët nuk e kanë votuar, shumë më tepër se Drenicën e Dukagjinin. Shumë më tepër e do Nenad Rashiqin sesa Enver Dugollin, apo Shemsi Sylën.
Më shumë ka treguar dhe ka shprehur respekt për kriminelin serb, Oliver Ivanoviq, sesa për kreun e UÇK-së që ndodhet në Hagë, të cilëve nuk u përmend as emrat, madje nuk përmend as Rexhep Selimin.
Kur ka qenë për vizitë në ndonjë katund apo qytezë të Drenicës, Albin kryeministri, apo ndonjë nga argatët e tij më të ngushtë?
Realisht, Edi Rama dhe Albin Kurti, përveç dashurisë për Greqinë kanë të përbashkët edhe dashurinë për pushtetin, dhe më parë do jepnin kokën sesa postin. Rama ka më shumë se 25 vjet jetë aktive në pushtët e në Qeveri, ndërsa Albini mezi i ka kaluar dy vite të rënda si plumbi, sepse Qeveritë e kaluara i kanë lënë shumë punë të pa kryera dhe ai tani duhet t i kryejë vetë.
Ahmet Qeriqi
28. 10. 2023
Elbasan
