Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, ka reaguar sërish me tone ironike ndaj Gjykatës Speciale dhe dëshmitarëve të saj në proceset që po zhvillohen kundër ish-udhëheqësve të UÇK-së në Hagë. Përmes një postimi në “Facebook”, Rama ka shpërndarë një video ku një dëshmitar i Zyrës së Prokurorit të Specializuar fyen rëndë Ushtrinë Çlirimtare të Kosovës. Duke komentuar, ai është tallur me nivelin e dëshmisë. “Nuk e besoj dot ku e kanë gjetur një dëshmitar kaq serioz, po nuk i thonë kot drejtësi ndërkombëtare, nivel i lartë shumë”, ka shkruar Rama. Ky reagim i Ramës vjen në një kohë kur procesi ndaj Thaçit, Veselit, Krasniqit e Selimit vazhdon të shkaktojë polemika të mëdha, ndërsa shumë figura politike në Kosovë e Shqipëri kanë akuzuar Specialen për standarde të dyfishta dhe përpjekje për të njollosur luftën çlirimtare.
