Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Shtetit për Marrëdhëniet me Parlamentin, Elisa Spiropali, reagoi pas vrasjeve në Tiranë, ku mbetën të vrara tri gra dhe u plagosën tri të tjera. Ministrja Spiropali u kërkoi organeve të drejtësisë të hetojnë me imtësi të gjitha procedurat e ndjekura nga gjyqtarët që lanë rrugëve një kriminel, të dënuar dhe të arrestuar disa herë nga Policia e Shtetit. Thellësisht ndihem e tronditur për ngjarjen e rëndë në Kamzë e Tiranë, ku një kriminel gjakftohtë vrau tri gra e plagosi tri të tjera. Dhimbjen e familjarëve që humbën njerëzit e dashur nuk ka fjalë që e ngushëllon. I bëj thirrje organeve të Drejtësisë të hetojnë me imtësi, jo vetëm vrasjet tronditëse, por të gjitha procedurat e ndjekura nga organet e sistemit gjyqësor që lanë rrugëve një kriminel, të dënuar dhe të arrestuar disa herë nga Policia e Shtetit”, u shpreh Spiropali. Por, ajo shtoi se si shoqëri duhet reflektuar për gjuhën e urrejtjes, për modelet e dhunshme që promovohen, për patriarkalizmin dhe dhunën me bazë gjinore që haset gjithkund, nga familja në Parlament, saktësoi ministrja Elisa Spiropali. (ATSH)
