Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për deputet i PDK-së, Enver Hoxhaj, ka folur për bashkëpunimin mes Kosovës dhe Shqipërisë, duke theksuar rëndësinë e projekteve strategjike dhe bashkimit politik. PDK-ja do të bashkojë Kosovën dhe Shqipërinë përmes bashkëpunimit politik, projekteve si hekurudha Kosovë-Shqipëri dhe mbrojtjes së interesave kombëtare shqiptare. Ai kritikoi qeverinë të udhëhequr nga Albin Kurti, duke theksuar se i ka përçarë shqiptarët. Enver Hoxhaj premtoi se një qeveri e ardhshme e PDK-së do të angazhohet për mbledhje të përbashkëta mes dy qeverive, adresimin e çështjeve të hapura dhe thellimin e bashkëpunimit në çdo fushë të jetës. Ai theksoi gjithashtu mbrojtjen e gjuhës shqipe në Maqedoninë e Veriut dhe ndërkombëtarizimin e Kosovës Lindore, si çështje kyçe për kombin shqiptar. Ky vizion i PDK-së synon të krijojë ura të forta bashkëpunimi në mes dy shteteve, duke promovuar një agjendë të re politike, që thekson unitetin dhe zhvillimin kombëtar.
