Ish-deputeti e militanti, Florin Krasniqi

Florin Krasniqi godet VV-në: Kur i fyen njerëzit online, vjen momenti me u ballafaqu

Florin Krasniqi ka kritikuar ashpër Lëvizjen Vetëvendosje dhe kryeministrin Albin Kurti, duke kërkuar ndaljen e gjuhës fyese dhe ofenduese në rrjetet sociale. Krasniqi deklaroi se Vetëvendosje e ka ndërtuar fuqinë politike përmes fyerjeve dhe etiketimeve ndaj kundërshtarëve politikë. “Vetëvendosja e ka arritë 51% duke fy e ofendu”, tha ai. Sipas tij, gjuha e urrejtjes dhe sulmet online rrezikojnë të degradojnë në incidente më serioze. “Fyrjet në internet kanë me kulmu në vandalizëm… Kjo që VV e ka krijuar këtë formulë, e ka frymëzu e financu”, u shpreh Krasniqi. Ai i bëri thirrje Kurtit që të distancohet publikisht nga aktivistët që përdorin gjuhë fyese në internet. “Duhet me dalë Albin Kurti me kërku nga aktivistët e vet mos me i fy njerëzit online. Kjo duhet me u ndalë”, deklaroi ai. Krasniqi tha se ndaj fyerjeve online ekzistojnë tri forma reagimi: heshtja, rruga ligjore dhe përballja fizike, duke theksuar se kjo e fundit është forma më e keqe. “Kur e ofendon dikë online duhet me u ballafaqu me ta”, tha ai, duke shtuar se përplasjet fizike nuk duhet të jenë zgjidhje.

Kontrolloni gjithashtu

Jakup Krasniqi vazhdon qëndrimin në familje, edhe sot nën masa të rrepta sigurie nga EULEX-i

Në ditën e dytë të qëndrimit në Kosovë, ish-zëdhënësi i Ushtrisë Çlirimtare të Kosovës, Jakup …