Grupi i parë i ekipit të Kosovës arriti në Oran të Algjerisë

Grupi i parë i ekipit të Kosovës ka arritur në mëngjesin e sotëm në Oran të Algjerisë, ku prej 25 qershor deri më 6 korrik 2022 do të mbahen Lojërat e 19-ta Mesdhetare Oran 2022.

Në grupin e parë bëjnë pjesë ekipet e atletikës, boksit, notit dhe badmintonit.

Ekipi u nis nga Prishtina për në Shkup, prej nga u bë udhëtimi me aeroplan direkt për në Oran, së bashku edhe me ekipin e Maqedonisë së Veriut.

Delegacionit, të cilit i printe sekretari i përgjithshëm, Besim Aliti dhe shefja e misionit, Rejhan Halili, kaloi pa ndonjë pengesë të gjitha procedurat në aeroportin e Oranit, pa pasur ndonjë problem për shkak të mos njohjes së Kosovës nga Algjeria.

Ekipi u vendos në Fshatin Mesdhetar. Ekipi i mundjes arrin sot, ndërsa ekipet e sporteve tjera në ditët në vijim.

Kosova në Oran përfaqësohet me 39 sportistë në 13 sporte të ndryshme.

Kontrolloni gjithashtu

Filatelia e Postës së Kosovës, sot lëshon në qarkullim emisionin e jashtëzakonshëm të pullës postare me titull “Paqe globale”

Filatelia e Postës së Kosovës, sot lëshon në qarkullim emisionin e jashtëzakonshëm të pullës postare me titull “Paqe globale”

Filatelia e Postës së Kosovës, sot lëshon në qarkullim emisionin e jashtëzakonshëm të pullës postare …