Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Grupi për Studime Juridike dhe Politike ka konstatuar se konkursi për 32 zyrtarë nga Ministria e Punëve të Jashtme dhe Diasporës, është i jashtëligjshëm. Drejtoresha e kësaj organizate, Arbëresha Loxha ka vlerësuar se në qoftë se edhe pas procesit të ristrukturimit nuk arrihet të plotësohen këto pozita, atëherë procesi i rekrutimit duhet të bëhet përkitazi me legjislacionin për zyrtarë publikë. Që do të thotë se përgjegjës për rekrutimin pasi që procesi i rekrutimit është i centralizuar përgjegjës është Ministria e Punëve të Brendshme dhe Administratës Publike, më konkretisht Departamenti për Menaxhimin e zyrtarëve publikë. “Nëse nuk bëhet rekrutimi në përputhshmëri me ligjin për zyrtarë publikë, atëherë është i jashtëligjshëm, dhe tani siç është shpallur, aktualisht sic është shpallur. i njëjti nuk është bërë sipas procedurës dhe rrjedhimisht konsiderohet i jashtëligjshëm” ka thënë në mes tjerash, drejtorja e Grupit për Studime Juridike dhe Politike, Arbëresha Loxha.
