MIT
Airport Adem Jashari
mbpzhr 2018
kek
Fillimi / Lajmet / Hahn e Mogherini i cilësojnë zgjedhjet të qeta por bëjnë thirrje që sa më shpejtë të formohet Qeveria e re
Hahn e Mogherini i cilësojnë zgjedhjet të qeta por bëjnë thirrje që sa më shpejtë të formohet Qeveria e re

Hahn e Mogherini i cilësojnë zgjedhjet të qeta por bëjnë thirrje që sa më shpejtë të formohet Qeveria e re

Komisioneri për Zgjerim i BE-së, Johannes Hahn dhe përfaqësuesja e lartë e Bashkimit Evropian, Federica Mogherini kanë reaguar lidhur me procesin e zgjedhjeve të jashtëzakonshme të mbajtura të dielen në Kosovë. Hahn e Mogherini i kanë cilësuar zgjedhjet si të qeta, nga ku edhe kanë bërë thirrje që sa më shpejtë të formohet Qeveria e re. “Zgjedhje të qeta u zhvilluan më 6 tetor në Kosovë. BE-ja kërkon formimin sa më të shpejtë të Qeverisë së re, në momentin që përfundojnë të gjitha procedurat ligjore. Kjo është e rëndësishme në mënyrë që Kosova të vazhdojë të punojë në reformat ekonomike dhe sociale, sundimit të ligjit si dhe dialogut Kosovë-Serbi”, thuhet në deklaratën e përbashkët. Hahn e Mogherini presin nga akterët politik që të  mbesin të përkushtuar në këto procese, të cilat sipas tyre janë parësore për progresin e Kosovës  në rrugën evropiane. Hahn dhe Mogherini theksojnë rëndësinë e misionit të BE-së në Kosovë gjatë këtyre zgjedhjeve. “Sipas misionit të BE-së, zgjedhjet ishin mirë të adminsitruara dhe transparente. Kampanja ishte sfiduese në Kosovë, mirëpo ishin të theksuara disa parregullsi në vendet e banuara me serbë”, thuhet në komunikatë. Mogherini dhe Hahn kanë bërë të ditur se BE do të formulojë raport me rekomandime për zgjedhjet që do të mbahen në të ardhmen në Kosovë. BE, sipas komunikatës së lëshuar është e gatshme të ndihmojë në këtë proces.

Kontrolloni gjithashtu

Kryeministri i Rusisë, Dmitry Medvedev, zotohet për t’i forcuar edhe më tej marrëdhëniet me Serbinë

Kryeministri rus, Dmitry Medvedev, të shtunën është zotuar për t’i forcuar edhe më tej marrëdhëniet ...