Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Vazhdimin e mandatit të misionit EULEX, për të katërtën herë në Kosovë, e kanë arsyetuar kryetari i AAK-së, Ramush Haradinaj dhe kryetari i Nismës, Fatmir Limaj. Ata duke folur për Kosovapress, mendojnë se EULEX-i në Kosovë është i nevojshëm, pasi që sipas tyre institucionet e vendit kanë dështuar që të vendosin rend dhe ligj. Ata nuk kanë shpjeguar se çfarë rendi dhe ligji ka vendosur në Kosovë misioni i EULEX-it, i cili shënjestër të vetme ka pasur dhe ka arrestimin, ndëshkimin dhe dënimin e komandantëve dhe luftëtarëve të UÇK-së, bashkëpunimin me Ministrinë e Drejtësisë dhe institucionet e Serbisë dhe mosnjohjen e pavarësisë së Kosovës. Unë nuk di si e kanë rinegociuar, por që është i nevojshëm është i nevojshëm për të ndihmuar. Vetë gjendja që është ne vend po tregon se në çfarë situate jemi, ka thënë Limaj. Edhe Haradinaj tha se vazhdimi i misionit të EULEX-it në Kosovë vjen si pasojë e dështimit të institucioneve të drejtësisë në Kosovë. Nuk ka ardhur si mision i përhershëm. Para një kohe qëllimi ka qenë “me e përmbyll”, tani është një qëndrim ndryshe – vazhdimi për këtë mandat – kuptohet me kufizime shtesë. Mirëpo e tëra kjo vjen nga dështimi i institucioneve të Kosovës për rend dhe ligj”, tha i pari i AAK-së. Limaj dhe Haradinaj ndihen të liruar nga kthetrat e EULEX-it, ose ndoshta është një shkak tjetër që ata më në fund pajtohen me praninë e EULEX-it në Kosovë. Metamorfoza e këtyre dy politikanëve gjatë kohës së fundit po merr përmasa të habitshme.
