Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një analizë të publikuar në faqen zyrtare të Këshillit Evropian për Marrëdhënie Ndërkombëtare një institut me renome botërore, me seli në Bruksel, thuhet se gjykimi në Hagë, nga shqiptarët e Kosovës po konsiderohet si një proces kundër UÇK-së në tërësi dhe kundër luftës për liri të shqiptarëve. Ata kanë frikë se Gjykata mund rishkruajë historinë e luftës së UCK-së dhe të barazojë krimet. Kjo është një gjykatë që i ndjek vetëm shqiptarët. Për shumicën e tyre krerët e UCK-se që janë akuzuar në Hagë, thuhet se ata mbrojtën me guxim vendin kundër spastrimit etnik të Serbisë së Millosheviçit. Akuzat e Dick Martyt për trafikim organesh nuk duken askund. Krijimi i gjykatës ishte gjithashtu i diskutueshëm. Ideja për Gjykatës vu në lëvizje pasi politikani zviceran Dick Marty shkroi një raport për Këshillin e Evropës në vitin 2010, në të cilin ai pretendonte se udhëheqja e UÇK-së kishte kryer krime lufte, përfshirë trafikimin e organeve. Por tani që gjykata është ngritur dhe funksionon, trafikimi i organeve nuk është përmendur në akuza apo në gjyq, duke bërë që shumë shqiptarë të Kosovës të vënë në dyshim qëllimet e gjykatës”, thuhet në shkrim realist dhe përmbajtësor të këtij instituti. Në shkrim rikujtohet se një ditë para fillimit të gjyqit ndaj ish-presidenti Hashim Thaçi, Kadri Veseli, Jakup Krasniqi dhe Rexhep Selimi, mijëra shqiptarë të Kosovës dolën në rrugët e kryeqytetit, në Prishtinë, duke mbajtur pankarta ku shkruhej “Kosova nuk mund të rishkruhet”, “Liria ka emër – UÇK” ose “Evropë, a je duke bërë shaka?”, “Bëj thirrje për drejtësi dhe jo politikë.
