Komuna e Junikut reagon pas vlerësimit të Komisionit të Task Forcës ,,Ta pastrojmë Kosovën”

Tema të tjera...

Kryetari Latifi priti në takim Bashkim Krasniqin, President i Komitetit Organizativ të Kampionatit Evropian për Juniorë dhe Seniorë në Taekwondo,

23/12/2025

Kryetari Latifi mbajti një takim të domosdoshëm me drejtuesit e KOSTT-it,

23/12/2025

Në prag të festave të fundvitit, Kryetari Ramosaj, kaloi ditën me më të vegjlit

23/12/2025

Kryetari Kastrati gëzon fëmijët për festat e fundvitit

23/12/2025

Në Shkollën Fillore të Mesme të Ulët “Skënderbeu” në Jezerc, u realizua shpërndarja e dhuratave të fundvitit

23/12/2025

Komuna e Vitisë mbajti një ushtrim për evakuim dhe reagim ndaj tërmeteve

22/12/2025

Pas përfundimit të aksionit “Ta pastrojmë Kosovën”, dhjetë komuna të Kosovës që janë treguar më efikase për eliminimin e mbeturinave kanë fituar grant nga Ministria e Mjedisit dhe Planifikimit Hapësinor në vlerë prej 1.2 milionë eurosh, grant ky që do të përdoret në projekte për mbrojtjen e ambientit. Por Komuna e Junikut nuk është pajtuar me vlerësimin e Komisionit të Task Forcës “Ta Pastrojmë Kosovën”, pasi kjo komunë përkundër angazhimit që ka pasur në këtë aksion nuk është renditur në mesin e komunave të para. Komuna e Junikut përmes një reagimi për media, ka theksuar se Komisioni i Task  Forcës“ Ta Pastrojmë Kosovën” ka shkelur të gjitha standardet ligjore, profesionale e qytetare, duke u treguar tejet i njëanshëm e subjektiv në vlerësim. Sipas kësaj komune, ky komision ka përzgjedhur të parat ato komuna me të cilat kishin miqësi e afërsi personale, lidhje klanore e rajonale.

Reagim lidhur me aksionin ” Ta Pastrojmë Kosovën”. Të bindur se puna, angazhimi, rezultatet dhe standardi në shërbim duhet të shpërblehen, gjithmonë duke respektuar rregullat ligjore e profesionale, kjo nuk ndodhi me Komisionin e Taskë Forcës “Ta pastrojmë Kosovën”. Përkundër pjesëmarrjes masovike të qytetarëve, bizneseve, OJQ-ve, nxënësve, personelit shëndetësor, policisë, institucioneve publike, në aksionin “Ta Pastrojmë Kosovën”, Komuna e Junikut nuk u rendit në mesin e Komunave të para, si rrjedhojë e Komisionit të Task Forcës, “Ta Pastrojmë Kosovën” i cili i ka shkelur të gjitha standardet ligjore, profesionale e qytetare, duke u treguar tejet i njëanshëm e subjektiv, aspak serioz e i përgjegjshëm, përzgjodhi të parat ato Komuna me të cilat kishin miqësi e afërsi personale, lidhje klanore e rajonale. Komuna e Junikut gjatë kësaj periudhe është treguar tejet aktive dhe efikase në aksionin “ Ta Pastrojmë Kosovën”, për këtë i kemi raportet e provat të cilat dëshmojnë aktivitetet e pandërprera të Komunës së Junikut për 3 muaj rresht, fakte këto të cilat nga Komisioni nuk u vlerësuan objektivisht në bazë të kritereve të përcaktuara, duke shkelur parimet themelore të një vlerësimi të drejtë, jodiskriminues dhe të paanshëm. Në këtë aksion kanë marrë pjesë mbi 30% e popullsisë aktive të Komunës së Junikut, kontributi i të cilëve pandershmërisht u mohua dhe nuk u vlerësua drejtë. Megjithatë ne nuk do të ndalemi, Juniku do të vazhdoi të jetë një qytezë e bukur, e pastër, sepse të tillë e fali natyra dhe është në traditën shekullore të Junikut që ta mbajmë dhe ta ruajmë dhe kultivojmë me krenari, kurse bashkëpunimi me Komisionin në fjalë është lëkundur si pasojë e papërgjegjësisë së tyre ligjore e morale, jo korrektësisë dhe jo profesionalizmit të tyre të treguar në këtë proces.