Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Albin Kurti javën e ardhshme do të shkojë sërish në Bruksel. Kësaj radhe ai do të ketë një darkë pune me liderët e Ballkanit Perëndimor, të organizuar nga shefi i diplomacisë evropiane, Josep Borrell. Duke folur për këtë takim, zëdhënësi i Qeverisë, Përparim Kryeziu, ka deklaruar për “Kosovapress” se ky takim nuk do t’i paraprijë rifillimit të dialogut, por vetëm do t’i shërbejë komunikimit dhe diskutimit të të gjithë liderëve të rajonit me BE-në, për interesat e përbashkëta. Ky takim joformal, i ftuar nga shefi i diplomacisë evropiane, Josep Borrell po konsiderohet i dobishëm në përmirësimin e marrëdhënieve bilaterale mes shteteve. Nga ana tjetër, partitë opozitare kanë shfaqur dyshime se këto takime do të kenë dobi për Kosovën dhe kanë shtuar më tutje se me takime të tilla, kryeministri, Albin Kurti po bën ato gjëra që i kishte kundërshtuar më parë.
