Kryeministri Kurti udhëton sot në Bruksel për t'u takuar kryetarin serb, Aleksandër Vuçiq në kuadër të dialogut

Kryeministri i Kosovës, Albin Kurti dhe kryetari i Serbisë, Aleksandar Vuçiq, sot do të zhvillojnë takimin e nivelit të lartë, në Bruksel

Kryeministri i Kosovës, Albin Kurti dhe kryetari i Serbisë, Aleksandar Vuçiq, sot  do të zhvillojnë takimin e nivelit të lartë në Bruksel, me ndërmjetësimin e të dërguarit Evropian për dialogun, Miroslav Lajçak. Dje Albin Kurti ka pranuar një letër të përbashkët nga kryetari i Francës, Emmanuel Macron, Kancelari i Gjermanisë, Olaf Scholz dhe kryeministrja e Italisë, Gjorgjia Meloni në lidhje me takimin e sotëm  në Bruksel dhe propozimin Evropian. Siç njofton Zyra e Kryeministrit në këtë letër ata kanë mirëpritur deklarimet publike të kryeministrit Kurti sa i përket propozimit Evropian. Macron, Scholz dhe Meloni janë shprehur të bindur se konkludimi dhe zbatimi i propozimit Evropian, është me rëndësi thelbësore për përfitimin e përgjithshëm të qytetarëve të Republikës së Kosovës, për paqen dhe zhvillimin prosperues të rajonit dhe për përparimin e perspektives Evropiane të vendit, thuhet në njoftim. Ata në letrën e tyre kanë përmendur edhe krijimin e Asociacionit të komunave me shumicë serbe. Në konkluzionet e tij të datës 9 mars, Këshilli Evropian shprehu mbështetjen e tij për këtë marrëveshje të rëndësishme dhe në të njëjtën kohë i kërkoi Serbisë dhe Kosovës t’i përmbahen, plotësisht dhe pa kushte, detyrimet që u angazhuan në kuadër të dialogut, përfshirë marrëveshjet nga viti 2013 dhe 2015 për të krijuar Asocacionin e Komunave me Shumicë serbe”, thuhet në letrën e përbashkët të Macronit, Scholcit dhe  zonjës Meloni.

Kontrolloni gjithashtu

Në shënimin e 25 vjetorit të çlirimit të Kosovës, kryetari i BDI-së, Ali Ahmeti u nderua me mirënjohje në Kaçanik

Në shënimin e 25 vjetorit të çlirimit të Kosovës, Ali Ahmeti u nderua me mirënjohje …