Kryetari i Komunës së Malishevës, z.Ekrem Kastrati, ka takuar udhëheqjen e KRU “Gjakova”, z.Visar Hasi

Kryetari i Komunës së Malishevës, z.Ekrem Kastrati, ka takuar udhëheqjen e KRU “Gjakova”, përkatësisht kryeshefin, z.Visar Hasi, me të cilët kanë biseduar për mundësinë e kyçjes së Komunës së Malishevës, në sistemin e ujësjellësit të Radoniqit, me qëllim të sigurimit të ujit për pije për tërë territorin e Komunës së Malishevës. “Sot kam zhvilluar një takim pune me kryeshefin e Kompanisë Rajonale të Ujësjellësit “Gjakova”, z.Visar Hasi dhe bashkëpunëtorët e tij, me të cilët kam diskutuar lidhur me mundësinë e realizimit të projektit për të kyçur komunën tonë në sistemin e Radoniqit. Si kryetar i Malishevës do të bëj përpjekje maksimale për të realizuar këtë projekt madhor, që ofron zgjidhje të përhershme të furnizimit me ujë për të gjitha fshatrat e komunës së Malishevës”, ka thënë kryetari Kastrati pas takimit. Kryetari Kastrati dhe kryeshefi i KRU “Gjakova”, Hasi, thanë se do të shohin të gjitha mundësitë për të bashkëpunuar me donatorët dhe ministritë e linjës, për financimin dhe realizimin e këtij projekti, jetik për Komunën e Malishevës.

Kontrolloni gjithashtu

Albin Kurti: Vetëvendosja ka garuar në zgjedhjet e fundit me platformën për punësim dhe drejtësi, jo për rritje pagash

Kryeministri, Albin Kurti, ka thënë sot para deputetëve, në Kuvend,   se pakoja për përballje me …