Beqir Nebih Meha (2.2.1936 - 25.3.1999)

Mehmet Bislimi: Beqir Mehës

(Dëshmor i kombit, në përvjetorin e rënies)

 

Mehajt

 

një shekull

me pushkët e lirisë në dorë

një shekull në kërkim të bashkimit kombëtar

një shekull rezistencë

një shekull përkushtim

një shekull luftë kundër pushtuesit barbarë

 

Mehajt

 

një shekull pa gjumë

një shekull zgjuar

një shekull roje të atdheut

bijtë e dëshmuar të shqiptarisë

burra të dheut

 

Mehajt

 

Lajmëtarë të lirisë

në tri gjenerata

 Emini

Nebihu

Tahiri

Beqiri

stërgjyshi

gjyshi

i ati

i nipi dhe i biri

 

Mehajt

 

jehonë e pushkëve të lirisë

u dëgjuan më së gjati

më së largu

ra për liri edhe Beqiri

në gjirin e tokës mëmë

e priten bacë Emini

e priti babë Nebihu

e priti vëllau Tahiri

e priti stërgjyshi gjyshi

 babai vëllai

nipi dhe i biri

për liri ra

edhe Beqiri

 

Mehajt legjendarë

 

Beqir Meha

i pari ndër të parë

maje maleve si shqiponja mbi shkëmb

Beqir Meha nuk ka rënë

atdheut po i bënë roje

po i qëndro në këmbë

me armët gatitur

e barotin nën dhëmbë

djemtë e Ushtrisë Çlirimtare

Beqirin nderonin

si babë

e nderonin

si nënë

 

 Mars, 2017

Kontrolloni gjithashtu

Doli nga shtypi libri: “Gjykimi i drejtë në procedurën penale dhe ndikimi i publicitetit në parimin e gjykimit të drejtë” i autores, Mirvete Zogiani-Uka

Doli nga shtypi libri: “Gjykimi i drejtë në procedurën penale dhe ndikimi i publicitetit në parimin e gjykimit të drejtë” i autores, Mirvete Zogiani-Uka

Libri studimor, “Gjykimi i drejtë në procedurën penale dhe ndikimi i publicitetit në parimin e …