mbpzhr 2018
MIT
Airport Adem Jashari
kek
Fillimi / Institucionet / Ministri Shala: Koha që problemet e eksporteve kosovare në Maqedoni të Veriut të eliminohen

Ministri Shala: Koha që problemet e eksporteve kosovare në Maqedoni të Veriut të eliminohen

Ministri i Tregtisë dhe Industrisë, Endrit Shala, ka zhvilluar një takim me ushtruesin e detyrës së Ambasadorit të Republikës së Maqedonisë së Veriut në Kosovë, Rexhep Saliu, ku u diskutua për marrëdhëniet në mes të dyja shteteve dhe shkëmbimeve tregtare. Ministri shala e njoftoi ambasadorin për ankesat e bizneseve nga të dyja anët dhe po ashtu për barrierat që bizneset kosovare kanë gjatë eksportit në Maqedoninë e Veriut. “Mora zotimin nga ambasadori që këto barriera jo-tarifore me Maqedoninë e Veriut të eliminohen sa më shpejt që është e mundur. Unë jam i fokusuar që t’i ndihmoj biznesit vendor duke adresuar problemet e tyre dhe qëllimi i Ministrisë së Tregtisë dhe Industrisë është që prezenca e prodhimeve kosovare të rritet në vendet e rajonit dhe me gjerë, duke ndikuar direkt në rritje të eksportit të prodhimeve tona”, tha ministri Shala. Ndërsa, ushtruesi i detyrës së ambasadorit Saliu shprehu gatishmërinë që të diskutohet për gjetjen e modaliteteve në mes Kosovës dhe Maqedonisë së Veriut për t’i eliminuar barrierat.

Kontrolloni gjithashtu

Kryetari Smajl Latifi edhe këtë të enjte takon qytetarët

Për të qëndruar sa më afër brengave dhe halleve të qytetarëve, Kryetari i Komunës së ...