Ministri Shala: Vendimet tona po japin rezultatet e para tek prodhuesit

09/12/2018 Institucionet

Zëvendëskryeministri i Qeverisë së Kosovës, Fatmir Limaj, bashkë me ministrin e Tregtisë dhe Industrisë, Endrit Shala, kanë vizituar fabrikën ,,Flutura”, në Prishtinë, e cila merret me prodhimin e letrës higjienike që nga viti 2008 dhe ka 50 punëtorë. Zëvendëskryeministri Limaj ka theksuar se nuk ka më të rëndësishme se sa hapja e vendeve të punës, duke treguar se Qeveria e Kosovës është duke punuar që bizneseve vendore t’iu krijojë kushte sa më të mira. “Vizituam një kompani e cila ka pasur deri më tani 50 % të tregut të Kosovës në furnizim me letra dhe siç e pamë dhe nga ajo që dëgjova tha që kapacitetet dhe kërkesat janë shtuar. Tregu po zgjerohet dhe po rritet nevoja për punësim e që për neve është shumë me rëndësi që prodhuesit tanë me i pa të suksesshëm. Me rrite kapacitetet prodhuese dhe vendet e punës. S’ka asgjë më me rëndësi se sa hapjen e vendeve të punës”, ka thënë zëvendëskryeministri Limaj. Ndërsa ministri i Tregtisë dhe Industrisë, Endrit Shala, ka bërë të ditur se masa 100 për qind ndaj Serbisë dhe Bosnje e Hercegovinës ka pasur impakt të jashtëzakonshëm duke ndikuar në rritjen e prodhimit të kompanive dhe shtimi e vendeve të punës. “Është kënaqësi që së bashku me zëvendëskryeministrin Limaj të jemi në vizitë te një prodhues vendor dhe të shohim se impakti i vendimeve tona në raport me Serbin dhe Bosnje e Hercegovinën ka rezultuar me rritje të prodhimit të kompanisë në fjalë, por edhe prodhuesve tjerë”, ka thënë ministri Shala. Shala ka garantuar gjithë prodhuesit se fokus i tij do të jetë përkrahja e prodhuesve vendor. “Unë si ministër i garantoj të gjithë prodhuesit nga këtu se fokusi im kryesor do të jenë të përkrahja  e prodhuesit vendor ashtu siç kemi vepruar në kompaninë në fjalë që e kemi ndihmuar nga MTI me grande në rritjen e fuqisë së prodhimit dhe do të vazhdojmë t’i ndihmojmë edhe kompanitë tjera dhe më këtë ta rrisim ekonominë e vendit”, ka thënë Shala.

Kontrolloni gjithashtu

Komuna e Deçanit ju bënë thirrje të gjithë qytetarëve të sajë që ta shfrytëzojnë kohen e mbetur për regjistrim

Komuna e Deçanit ju bënë thirrje të gjithë qytetarëve të sajë që ta shfrytëzojnë kohen …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara