Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetarja e Kuvendit të Kosovës, Arbërie Nagavci, reagoi pas mandatimit të Albin Kurtit për kryeministër të vendit, duke thënë se nuk mund të prisnin në pafundësi. Ajo u shpreh se nuk mund të rrezikonim miratimin e buxhetit dhe krijimin e situatave të vështira financiare. Nagavci theksoi se po bëjnë hapa përpara në jetësimin e vullnetit të qytetarëve të shprehur me 6 tetor dhe se po angazhohen për krijimin e një qeverie që do të luftojë krimin e korrupsionin, që do të punojë shumë për zhvillimin ekonomik e përmirësimin e jetës së qytetarëve, për mundësitë e reja e hapjen e perspektivave për të rinjtë tanë. Ajo ka theksuar se bashkë me LDK-në duhet të përmbushin shpresat për ndryshim e se kjo është mundësia e fundit për të jetësuar vullnetin e qytetarëve. Skenarët që pengojnë realizimin e vullnetit të qytetarëve nuk mund dhe nuk duhet të ngadhënjejnë mbi zërat racional që duhet t’i dëgjojmë këto ditë.
