Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
NATO ka reaguar në lidhje me marrëveshjen e nënshkruar mes Kosovës, Shqipërisë dhe Kroacisë për forcimin e bashkëpunimit në fushën e mbrojtjes, duke theksuar se Aleanca Veriatlantike nuk ka pasur rol në procesin e konsultimit për Deklaratën e Forcimit të Bashkëpunimit Mbrojtës, e nënshkruar pak ditë më parë. Një zyrtar i paidentifikuar i NATO-s ka deklaruar për gazetën malazeze “Vijesti” se kjo marrëveshje është një angazhim trepalësh mes këtyre tri shteteve dhe NATO nuk ka marrë pjesë në të. Ai ka shtuar se për çdo koment të mëtejshëm, do të duhet të drejtoheni tek institucionet përkatëse në Kosovë, Shqipëri dhe Kroaci. Zyrtari i NATO-s ka nënvizuar gjithashtu se Shqipëria dhe Kroacia kanë kontribuar në stabilitetin e rajonit të Ballkanit Perëndimor për shumë vite, duke përfshirë edhe angazhimin e tyre në kuadër të misionit të NATO-s, KFOR, në Kosovë.
