Nëpër shumë shtete të Evropës po mbahen protesta kundër masave që po ndërmarrin qeveritë ndaj pandemisë

Nëpër shumë shtete të Evropës, dhjetëra mijëra qytetar po mbajnë protesta kundër masave që po ndërmarrin qeveritë ndaj pandemisë. Protesta më e madhe është mbajtur në Vjenë ku 40 mijë qytetar protestuan ndaj masave që ka marr qeveria e Austrisë ndaj parandalimit të përhapjes së pandemisë. Kohë më parë, qeveria austriake rivendosi masën e izolimit për tri javë, pas rritjes së infeksioneve si e ka bërë të detyrueshëm vaksinimin kundër COVID-19, masë e cila pritet të hyjë në fuqi në shkurt të vitit 2022. Protesta kundër masave të reja janë mbajtur edhe në Holandë ndaj masave të reja të Qeverisë e cila ka marr vendim që për tri javë me radhë, të gjitha baret, restorantet dhe shumica e dyqaneve duhet të mbyllen në ora 17:00. Protesta ndaj masave të reja të qeverisë kundër pandemisë ka pasur edhe në disa qytete të Gjermanisë, ku institucionet shëndetësore janë duke u përballur me rritje shumë të madhe të rasteve të reja të pandemisë. E përderisa qytetarët po protestojnë kundër masave të reja shtrënguese të qeverive, ekspertët shëndetësor vazhdojnë të paralajmërojnë për goditjen e Evropës nga një valë e re e pandemisë nga varianti i ri i virusit korona i quajtur omicron.

Kontrolloni gjithashtu

Kryetari i Republikës së Shqipërisë, Bajram Begaj, sot do të qëndrojë në vizitën e tij të parë zyrtare në Kosovë

Kryetari i Republikës së Shqipërisë, Bajram Begaj sot do të qëndrojë për një vizitë zyrtare …