Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Sindikatës së Policisë së Kosovës, Imer Zeqiri ka njoftuar se rreth 100 pjesëtar, çdo vit largohen nga ky institucione me rëndësi jetike për funksionimin e shtetit. Ai ka thënë për Ekonomia Online se arsye kryesore e braktisjes së Policisë së Kosovës nga pjesëtarët e saj janë pagat e vogla që nuk ofrojnë mundësi për jetë të dinjitetshme, mandej mungesa e sigurimit shëndetësor, kushtet jo të mira të punës, por edhe shkaqe tjera. “Dorëheqjet vullnetare janë shqetësim për Policinë e Kosovës, sepse janë në rritje. Nga themelimi i Policisë së Kosovës ( 1999 ) e deri më tani kemi mbi 2 mijë e 200 dorëheqje vullnetare. Konsideroj se kjo është një dukuri jashtëzakonisht e dëmshme që e dëmton institucionin e sigurisë, por edhe shtetin për shkak se për të gjithë ata shteti ka investuar. Domethënë janë bërë harxhime jashtëzakonisht të mëdha. Qeveria ta kthejë vëmendjen kah institucioni i sigurisë, për shkak se jemi institucioni më kredibil dhe ndër institucionet më të rëndësishme në vend” ka deklaruar mes tjerash, kryetari i Sindikatës së Policisë së Kosovës, Imer Zeqiri.
