Airport Adem Jashari
kek
mbpzhr 2018
MIT
Fillimi / Lajmet / Pompeo kërkon haptas rifillimin e negociatave mes Serbisë dhe Kosovës dhe njohje të plotë të ndërsjellë mes dy vendeve
Pompeo kërkon haptas rifillimin e negociatave mes Serbisë dhe Kosovës dhe njohje të plotë të ndërsjellë

Pompeo kërkon haptas rifillimin e negociatave mes Serbisë dhe Kosovës dhe njohje të plotë të ndërsjellë mes dy vendeve

SHBA-Ja udhëheqëse e sulmeve të NATO-s ndaj ish-Jugosllavisë në Mars të vitit 1999, vazhdojnë ta shohin Ballkanin si një pozitë gjeostrategjike. Në një takim me kryetarin serb Aleksandër Vuçiq, sekretari amerikan i Shtetit, Mike Pompeo tani ka kërkuar haptas rifillimin e negociatave mes Serbisë dhe Kosovës dhe njohje të plotë të ndërsjellë, kështu shkruan sot gazeta gjermane ‘Zuerst.de’. Siç shkruan kjo gazetë, uebfaqja e Departamentit të Shtetit thoshte se “Sekretari amerikan i shtetit Pompeo i ka bërë thirrje Serbisë që të përqendrohet në këtë qëllim strategjik. Kjo mund të arrihet duke shpejtuar reformat e brendshme dhe rinisjen e bisedimeve me Kosovën për një marrëveshje gjithëpërfshirëse që bazohet në normalizim”, prandaj Pompeo i nxiti të dy palët të shmangnin provokimet.

Edhe BE-ja po kërkon nga Beogradi për një kohë të gjatë të pranojë përfundimisht shkëputjen e Kosovës, përndryshe kërcënon se Serbia nuk do të hyjë në BE, shkruan tutje kjo gazetë. Dialogu ndërmjet Kosovës dhe Serbisë është bllokuar që nga nëntori i vitit të kaluar, kur Qeveria e Kosovës kishte marrë vendim për taksë prej 100 për qind ndaj produkteve me origjinë serbe. Gjykata Ndërkombëtare e Drejtësisë, e konfirmoi se shpallja e pavarësisë së Kosovës nuk ishte në kundërshtim me të drejtën ndërkombëtare në vitin 2010. Sidoqoftë, Kosova ende nuk njihet nga 60 vende, përfshirë Rusinë, Kinën, Greqinë, Spanjën dhe Izraelin. Në Serbi, njohja siç kërkohet nga Uashingtoni dhe Brukseli konsiderohet praktikisht e pamundur.

Kontrolloni gjithashtu

Kadri Veseli: Entuziazmin e fitores që po afrohet e kam ndier fortë në të gjitha takimet që kam pasur me qytetarët

Kadri Veseli: Entuziazmin e fitores që po afrohet e kam ndier fortë në të gjitha takimet që kam pasur me qytetarët

Kandidati i PDK-së për kryeministër të Kosovës, Kadri Veseli, ka zhvilluar të shtunën disa takime ...