Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qytetarët e Kosovës bllokojnë disa rrugë në vend për të mos lejuar hyrjen e delegacioneve nga Serbia me qëllim për të bërë fushatë zgjedhore në vendin tonë. Shumë qytetarë liridashës kanë bllokuar aksin rrugor Prishtinë-Gjilan, në fshatin Llabjan. Edhe banorët e komunës së Rahovecit po protestojnë kundër vizitave të zyrtarëve serbë që nga ora 07:30 të mëngjesit të sotëm, duke bllokuar kështu rrugën në hyrje të fshatit Hoqë e Madhe. Në vend të kryeministri Aleksander Vuçiq, për vizitë në Kosovë është paralajmëruar ardhja e drejtorit të së ashtuquajturës zyrës së Kosovës në qeverinë e Serbisë, Marko Gjuriq. Edhe rruga që vjen nga Prishtina për në komunat veriore të Kosovës, është e bllokuar. Banorët shqiptarë të Vushtrrisë dhe Mitrovicës kanë bllokuar rrugën magjistrale për të ndalur serbët të takohen me kryeministrin serb Aleksandër Vuçiq, i cili vjen për fushatë zgjedhore. Këto zënie rrugësh bëhen për të kundërshtuar mbajtjes së zgjedhjeve serbe në Kosovë, dhe ardhjes së Vuçiqit në Leposaviq si dhe mos guximit të Qeverisë së Kosovës për të marrë një qëndrim në ruajtje të sovranitetit të vendit, meqë këtë nuk ua lejon Bashkimi Evropian.
