Fillimi / Lajmet / Refugjatët Rohinja nga Mianmari padisin kompaninë Meta, ish-Facebook të paguajë 150 miliardë dollarë dëmshpërblim

Refugjatët Rohinja nga Mianmari padisin kompaninë Meta, ish-Facebook të paguajë 150 miliardë dollarë dëmshpërblim

Refugjatët Rohinja nga Mianmari po e padisin kompaninë Meta – që më herët njihej me emrin Facebook – për 150 miliardë dollarë  kompensim lidhur me pretendimet se kompania e rrjeteve sociale nuk ndërmori veprime kundër gjuhës së urrejtjes të përdorur ndaj këtij komuniteti, dhe krejt kjo  kontribuoi në dhunë. Padia u ngrit në Kaliforni nga kompanitë ligjore Edelson. Në të argumentohet se dështimet e kompanisë për të kontrolluar përmbajtjen dhe dizajnin e platformës së saj kontribuuan në dhunën në botën reale, me të cilën përballet komuniteti Rohinxh. Në një veprim të koordinuar, avokatët britanikë dorëzuan një njoftim në zyrën në Londër të Facebook-ut. Facebook-u nuk ka komentuar menjëherë lidhur me këtë padi. Facebook-u ka thënë se është i mbrojtur me ligjet për internetin në SHBA sa i përket përmbajtjes që postojnë përdoruesit e kësaj platforme. Por, në padinë e ngritur kërkohet që në këtë rast të aplikohen ligjet që janë në fuqi, në Mianmar. Mbi 730 mijë myslimanë Rohinjas u dëbuan dhunshëm  nga shteti Rakine i Mianmarit në gusht të vitit 2017, pash shtypjes së ushtrisë, duke përfshirë vrasje në masë dhe dhunime. Ndërkaq, grupet për të drejtat e njeriut kanë dokumentuar vrasjen e civilëve dhe djegien e fshatrave.  (ReL)

Kontrolloni gjithashtu

Albin Kurti: Rritja e infektimeve dhe rasteve të vdekjes nga virusi korona ishte e befasishme dhe e paparashikuar

Kurti: Me rikthimin në punë të bllokut B2 Kosova për çdo orë do t’i paguajë rreth 50 mijë euro import më pak

Kryeministri, Albin Kurti e ka vlerësuar lart rikthimin në funksion të bllokut B2. Ai ka ...