Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mungesa e reagimit nga Ministria, e cila përfaqëson Kosovën në CEFTA, është alarmante dhe e rrezikshme për sektorin privat, sidomos për atë prodhues. Ministria është në heshtje totale përballë mundësisë së përjashtimit të Kosovës nga kjo marrëveshje, duke lënë të hapura pyetje të rëndësishme për të ardhmen e ekonomisë kosovare. Përjashtimi i mundshëm i Kosovës nga CEFTA do të ketë pasoja të rënda për eksportet dhe tregtinë, dy shtylla kryesore të stabilitetit socio-ekonomik të vendit. Ky veprim do të ndikonte negativisht në mjedisin e biznesit dhe do të ishte një dëshmi e paaftësisë së Ministrisë për të mbrojtur interesat ekonomike të Kosovës. Heshtja e vazhdueshme dhe reagimi i vonuar nga ana e Ministrisë do të lënë pasoja afatgjata negative për Kosovën dhe për sektorin privat, duke theksuar nevojën për një veprim të shpejtë dhe të efektshëm për të mbrojtur interesat ekonomike të vendit.
