Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Sheshin “Zahir Pajaziti”, në Prishtinë, sot u mbajt protesta kundër kandidimit të diplomatit serb, Vuk Jeremiq, në postin e Sekretarit të Përgjithshëm të OKB-së. Në protestë përveç organizatorëve e qytetarëve liridashës morën pjesë edhe aktivistë të Lëvizjes Vetëvendosje dhe të partive të tjera. Në afishet që u shfaqen në mesin e protestuesve shkruante: “Janë vrarë 11.840 veta, të zhdukur 1.666 mbi 20 mijë gra të përdhunuara”. Në fjalën e saj kryesuesja e shoqatës, “Thirrjet e Nënave” Nysrete Kumnova u shpreh kundër emërimit të serbot Jeremiq në një organizatë botërore sikur është OKB-ja. Të indinjuar dhe të revoltuar me të drejtë lidhur me paralajmërimet se serbi, Jeremiq mund të ketë pozitën më të rëndësishme në Organizatën e Kombeve të Bashkuara në të ardhmen e afërt, protestuesit janë shprehur kategorikisht kundër emërimit të tij, sepse kjo do të fyente viktimat në Kosovë, Bosnje e Hercegovinë dhe në Kroaci.
