leoni

Sot u mbajt një protestë qytetare, paqësore, në sheshin “Zahir Pajaziti” në Prishtinë, kundër shtrenjtimit të rrymës

Sot u mbajt një protestë qytetare, paqësore, në sheshin “Zahir Pajaziti” në Prishtinë, kundër shtrenjtimit të rrymës

Sot u mbajt një  protestë qytetare në sheshin “Zahir Pajaziti” në Prishtinë. Protestuesit kanë kërkuar  të mos aprovohet bllok-tarifa e propozuar nga ZRRE-ja. Ata po ashtu kanë kërkuar të nacionalizohet KEDS-i.  Protestuesit e tubuar  para Qeverisë së Kosovës janë zotuar  se nuk do të  paguajnë asnjë cent më shumë, nëse propozimi për shtrenjtimin e rrymës do të zyrtarizohet. Po ballafaqohemi me shantazhin e Qeverisë për shtrenjtim të energjisë thanë  organizatorët e protestës. Qytetarët, me propozimin e ZRRE-së, u tha se po ia paguajnë rrymën edhe bizneseve  të serbëve në veri.  Në këto kushte, sipas propozimit të ZRRE-së, qytetarët e Kosovës, me një pagë minimale prej 180 eurosh dhe me një numër të madh të papunësisë do t’ua paguajnë faturën edhe bizneseve, plus veriut. Duke e quajtur të pakuptimtë propozimin e ZRRE-së, një protestuese  kujtoi deklaratën e kryeministrit Albin Kurti, i cili kishte thënë se në krizën aktuale energjetike, s’ka zgjidhje tjetër, “ose shtrenjtim, ose reduktime”. Në fund, protesta u shpall e mbyllur, por protestuesit kanë paralajmëruar se nuk do të ndalen në rrugën e tyre, për të mos lejuar shtrenjtimin e energjisë elektrike, ndërsa nëse ajo shtrenjtohet ata kanë paralajmëruar se nuk do ta paguajnë atë.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …