Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjykata speciale në Hagë ka bërë të ditur se shtatë të akuzuar në proceset gjyqësore në Hagë kanë përfituar ndihmë financiare për mbulimin e shpenzimeve të mbrojtjes, pasi nuk kanë mundësi t’i paguajnë vetë ekipet ligjore. Gjykata Speciale ka sqaruar se skema e ndihmës juridike zbatohet në përputhje me ligjin dhe garanton të drejtën e secilit të akuzuar për mbrojtje të drejtë gjatë procesit gjyqësor. Megjithatë, në njoftim nuk janë bërë publikë emrat e shtatë të akuzuarve që kanë përfituar nga kjo ndihmë financiare. “Neni 21 i Ligjit të Gjykatës së Lartë të KSK-së garanton prezumimin e pafajësisë për një të pandehur dhe rendit të drejtat e tjera që i ofrohen një të pandehuri gjatë gjithë procesit gjyqësor. Kjo përfshin të drejtën për t’u përfaqësuar nga një avokat i zgjedhur prej jush gjatë gjyqit. Gjykata e Lartë e KSK-së ka një skemë ndihme ligjore nëse një i pandehur nuk ka mundësi të paguajë për mbrojtjen e tij”, thuhet në njoftimin e Speciales. Ky njoftim vjen në një kohë kur proceset gjyqësore ndaj ish-krerëve të Ushtria Çlirimtare e Kosovës vazhdojnë të jenë në fokus të opinionit publik në Kosovë.
