Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Vetëvendosjes, Visar Ymeri ka pranuar se prej sot nuk ka bashkëpunim mes tri partive opozitare. Ai ka theksuar se AAK dhe Nisma kanë vendosur që tash e tutje kundërshtimin e tyre ta vazhdojnë pa Vetëvendosjen. Ymeri konsideron se vendimet e njëanshme të AAK-së kanë ndikuar në ftohjen e raporteve në mes të partive opozitare. “Kemi pasur disa çaste të vendimeve të njëanshme, kryesisht të AAK-së, të cilat e kanë dëmtuar kauzën tonë të përbashkët. Shkuarja e Haradinajt tek presidentja ka qenë një prej çasteve që e ka dëmtuar kauzën e kundërshtimit dhe rezistencës”, ka thënë Ymeri. Ai ka përsëritur se Vetëvendosje nuk do t’i bashkohet protestës së 14 majit të thirrur nga AAK, pa ndodhur një dakordim i ri mes partive opozitare.
