Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati i PDK-së për kryeministër, Kadri Veseli, gjatë tubimit elektoral në Drenas, ka thënë se fitoret për Kosovën nisin çdo herë nga Drenica, ndërsa fitorja e PDK-së kësaj radhe do të vuloset në Prishtinë, më 6 tetor. Ai në fjalën e tij shpalosi projektin e subjektit që ai drejton ndërsa theksoi që do t’i përkrah të gjitha kategoritë e shoqërisë. ”Projekti i PDK-së është që ta mbajë popullin e bashkuar, të mos i ndajë, të mos i përçajë për të ndihmuar rininë në mënyrë të veçantë. Për t’i përkrahur të gjitha kategoritë e shoqërisë tonë, do të përkrah të gjithë ata që mendojnë të zhvillojnë vendin”. “Do t’i përkrahin pensionistët, do të legalizojnë të gjitha pronat që për dy vite të gjitha këto prona do të legalizohen. Të gjithë do fuqizohen edhe më shumë bashkë me Kosovën me Shtetet e Bashkuara të Amerikës. Ne duhet të kemi stabilitet politik”, ka thënë Veseli.
