Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti i Shteteve të Bashkuara, Joe Biden, arrin në Evropë, në udhëtimin e tij të parë jashtë vendit. Turneu i tij tetë-ditor përfshin një sërë takimesh në kuadër të samitit të G7-s, pastaj bisedime me partnerët evropianë dhe të NATO-s, si dhe një takim ballë për ballë me kryetarin e Rusisë, Vladimir Putin. Përmirësimi i raporteve transatlantike dhe diskutimi i mosmarrëveshjeve me Rusinë pritet të jenë çështjet kyçe të kësaj vizite. Udhëtimi konsiderohet edhe një provë e aftësisë së presidentit Biden për të menaxhuar dhe përmirësuar raportet me aleatët kyç të Amerikës të dëmtuara ndjeshëm gjatë udhëheqjes së paraardhësit të tij, Donald Trump, i cili e kishte tërhequr Shtetet e Bashkuara nga traktatet ndërkombëtare dhe kishte vendosur tarifa tregtare ndaj aleatëve.
