Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-gjenerali i forcave amerikane në Evropë, Frederic Ben Hodges, ka folur për situatën e sigurisë në rajon dhe dialogun në mes të Kosovës dhe Serbisë. Ai gjithashtu është pyetur edhe për emërimin e emisarit britanik për Ballkanin Perëndimor dhe nëse do të jetë e mundur që Britania e Madhe, Amerika dhe Evropa të punojnë bashkë në çështjen e negociatave në mes të Kosovës dhe Serbisë. Ai ka deklaruar se duhet të ketë një strategji për Ballkanin Perëndimor edhe pse NATO-ja duhet të përsërisë disa herë që misioni i KFOR-it në Kosovë është për të qëndruar dhe se nuk do të largohet. “Do të ishte e rëndësishme për BE-në, Anglinë, Amerikën dhe NATO-n që të kenë një qëndrim të përbashkët për atë që po ndodh në Ballkanin Perëndimor. Është në interesin e të gjithëve që të kemi rritje të stabilitetit ekonomik dhe të sigurisë në rajon. Duhet të punojmë të gjithë, për të gjitha çështjet kyçe të BE-së. Unë mendoj se Shtetet e Bashkuara duhet ta kenë strategjinë e duhur për rajonin. Po ashtu dua të theksoj se NATO duhet ta thotë qartë, përsëri dhe përsëri, se misioni i KFOR-it është këtu për të qëndruar dhe se nuk do të largohet nga Kosova”, ka rikonfirmuar gjenerali amerikan.
