Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Eurodeputeti austriak, Lukas Mandl, përkrahës i njehur i pavarësisë së Kosovës sa i përket rrugës së integrimeve evropiane dhe procesit të liberalizimit të vizave, ka folur sot në Parlamentin Evropian ku u diskutua Raporti për Kosovën. Mandl ka thënë se të gjitha shtetet e Ballkanit Perëndimor janë të rëndësishme për të ardhmen e Evropës, por që ai do të flasë vetëm për Kosovën. Kosova ka paguar me gjak për lirinë e saj. BE dhe Amerika kanë ndihmuar vendin që të fitojë pavarësinë. Ky vend është bërë demokratik dheka sundim të ligjit. Po sundimi i ligjit duhet të përmirësohet, por ata kanë një Kushtetutë të fuqishme”, ka thënë Mandl. Premtimi për viza për Kosovën nuk është mbajtur dhe se mesazhi i përçuar në Parlamentin Evropian do të jetë shumë i rëndësishëm. “Ky vend është njohur nga më shumë se 100 shtete përfshirë këtu edhe Izraelin. Ky vend është vendi i vetëm i Ballkanit Perëndimor që nuk gëzon lirinë e lëvizjes pa viza. Këtij vendi i janë bërë premtime për këtë, të cilat s’janë mbajtur. Kjo ka ndodhur me Republikën e Kosovës. Por populli i Kosovës e mbështet integrimin në BE, më shumë se të gjitha vendet tjera të Ballkanit Perëndimor, ka thënë në fjalimin e tij, me një ton ankimi, Eurodeputeti austriak, Lukas Mandl.
