Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Diplomati britanik John Duncan, gjatë dëshmisë së tij në Hagë, ka deklaruar se nuk ka hasur asnjë provë që dëshmon se Hashim Thaçi ka qenë Komandant i Përgjithshëm i Ushtrisë Çlirimtare të Kosovës. “Nuk kam parë asnjë dëshmi, asnjë provë të kësaj gjëje”, u shpreh ai, duke e përshkruar rolin e një komandanti të përgjithshëm në një ushtri të rregullt si funksion që lidhet me lëshimin e urdhrave dhe kontrollin mbi zbatimin e tyre. Sipas Duncan, Thaçi nuk dallohej si figurë ushtarake, gjë që vërehej edhe nga sjellja e krahut ushtarak ndaj tij në takime. “Ata e trajtonin si krah politik, me ndikim e autoritet, por jo si komandant ushtarak. Ishte e qartë se respektin ushtarak e gëzonte gjenerali Çeku, për shkak të përvojës dhe profilit të tij”, tha dëshmitari. Ai shtoi se praninë e Thaçit shpesh e shoqëronte një tension politik, tipik për një figurë që shihej si lider politik e jo si komandant. “Nuk kam parë të jepen direktiva apo urdhra nga ana e Hashim Thaçit”, përfundoi Duncan.
