Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-presidenti i Kosovës dhe një nga themeluesit e UÇK-së, Hashim Thaçi, ka paraqitur më 18 shkurt fjalën e tij përmbyllëse në procesin gjyqësor që po zhvillohet në Hagë, duke tërhequr vëmendje të gjerë ndërkombëtare. Fjala e tij është pasqyruar nga disa prej mediave kryesore botërore, përfshirë Reuters, The Washington Post, France 24, Anadolu Agency, Balkan Insight dhe The Independent, ndër të tjera. Në deklarimin e tij përmbyllës, Thaçi foli për luftën për liri, procesin e pavarësisë së Kosovës dhe atë që e quajti betejën e fundit të UÇK-së në Hagë, duke theksuar se është plotësisht i pafajshëm ndaj akuzave të ngritura nga Prokuroria. Procesi gjyqësor ndaj ish-krerëve të UÇK-së vazhdon të ndiqet me interes të lartë ndërkombëtar, ndërsa vendimi përfundimtar pritet pas përmbylljes së të gjitha procedurave gjyqësore.
