Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lidhjes Demokratike e Kosovës, Hykmete Bajrami, është shprehur kundër një marrëveshjeje të mundshme ndërmjet LDK-së dhe Lëvizja Vetëvendosje. Bajrami tha se nuk ka asnjë informacion për ndonjë marrëveshje të arritur mes dy partive, duke theksuar se qëndrimi i saj ndaj bashkëpunimit me VV-në ka qenë i njëjtë prej vitesh. “Jo, nuk kam asnjë informacion. Nuk mund të komentoj për situata hipotetike. Ju e dini shumë qartë opinionin tim prej gjashtë vjetësh,” deklaroi ajo. Ndërkohë, në media është raportuar më herët për një skenar të mundshëm bashkëpunimi mes VV-së dhe LDK-së, sipas të cilit Lutfi Haziri do të merrte postin e kryeparlamentarit, ndërsa Albulena Haxhiu atë të presidentes së vendit. Megjithatë, deri më tani nuk ka asnjë konfirmim zyrtar nga asnjëra prej partive lidhur me këto raportime.
