Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përpjekja për gjetjen e një kandidati konsensual për presidentin e Kosovës po përballet me një pengesë të re, pasi kundërshtimi i gjashtë deputetëve të LDK-së ndaj votimit të kandidaturës së Bekim Sejdiut ka shtuar mundësinë që vendi të shkojë drejt zgjedhjeve të reja. Në këtë situatë të tensionuar politike, deputetja e PDK-së, Ganimete Musliu, ka kritikuar ashpër funksionimin aktual të institucioneve, duke e cilësuar gjendjen si rrezik serioz për demokracinë dhe funksionalitetin e shtetit. Lëvizja Vetëvendosje ka “uzurpuar” institucionet e Kosovës, duke pretenduar se aktualisht vendi nuk ka institucione legjitime funksionale. Çdo ditë e kaluar pa zgjidhje institucionale përbën humbje për qytetarët dhe ndikon drejtpërdrejt në Policinë e Kosovës, Ushtrinë, universitetet, shëndetësinë dhe arsimin. “Rreziku më i madh është kur ne sot nuk kemi më as presidencë, as kuvend dhe as qeveri”, ka deklaruar Musliu, duke shtuar se qytetarët janë lodhur nga ajo që e ka cilësuar si papërgjegjësi të politikës. Ajo ka deklaruar se PDK-ja nuk do të ulet në bisedime me Kurtin, të cilin e ka akuzuar për uzurpim të institucioneve dhe dëmtim të demokracisë. Sipas saj, PDK-ja mbetet në opozitë dhe synimi i saj nuk është marrja e pushtetit me çdo kusht, por krijimi i institucioneve legjitime.
