Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Turpi i vitit në Tv-Klan Kosova, medium pro serb, antikombëtar dhe anti UÇK.
Në mbrëmje erdha nga puna dhe si gjithmonë u ula të lexoj dhe të shikoj se çka ka të re në fcb nga miqtë e mi të shumte 5,000 (pesëmijë) dhe të shikoj TV nga Shqipëria. Letra të shumta erdhën nga miqtë e mi që të shikoj TV KLAN KOSOVËN. Betohem për tokë e për qiell se kurrë nuk e shikoj TV KLAN KOSOVËN, sepse hapur tregon dhe thotë se është proserb, anti UÇK dhe antikombëtar dhe se financohet nga banda mafioze e kanale të nëntokës serbe që quhet “DEVOLLI”, që tentuan qëllimisht dhe të ndërsyer nga gjak sorët serbianë, për të helmuar dhe për të tredhur shqiptarët me krunde kafshës, derrash e qensh, të pastruar nga stallat e derrkucëve në Serbi. Ky marifet është vërtetuar edhe nga dy shtetet dhe nga disa shoqata. Është dënuar për këtë vepër kriminale, të turpshme, raciste dhe dëmtim të buxhetit të Kosovës vetëm me 500 mijë euro dhe Zoti i Madh e di se a i kanë paguar apo jo!!!. Kjo bandë vrastare dhe hajdutësh, nuk është marrë në pyetje nga Prokuroria dhe Gjyqësia, sepse është bërë ZAP nga kriminelët, hajnat, udbashët, që mrizojnë në Qeverinë kuslinge. Banda kusarësh që quhet “DEVOLLI”, mbështet edhe nga shumë kriminelë, hajna, oligarkë dhe udbashë, për të vjedhur dhe për të bërë hata ne Kosovë, për ta vjedhur deri në palcë dhe dëmtuar vendin. Mu për ketë Gjyqësia e instaluar serbe në Kosovë është me pëlqimin e këtyre kriminelëve dhe nuk guxojnë të bëjnë zë. Me gjithçka pajtohen vetëm t´i kenë duart e lira për të vjedhur e haram e paçin!
TV KLAN KOSOVËN nuk e shikoj, edhe pse udhëhiqet nga spiuni, tashmë i vërtetuar i UDB-ës serbe dhe dosti i Jovica Stanishiqi, që quhet BATON FAZLI HAXHIU. Baton Haxhiu, gjatë bombardimeve në luftë, shihej në hotelin “GRAND”, me jugo-shqipfolësin, Veton Surroi, djali i ambasadorit të Titos, Rexhait dhe me një gazetare greke. Batoni takohet në Brezovicë fshehurazi me kriminelët mjekërpalarë serbianë, nipa të Drazh Mihajlit, nën mbikëqyrjen e MUP-it serb dhe e fusin në Maqedoni si nuse, pasi i kishte dhënë të gjitha informatat. Shkrova më lart se duke shikuar fcb. shumë miq e mikesha më lutën të shikoj Edi Ramën, kryeministrin e Shqipërisë me disa “analistë”. Edi Rama kishte në të djathë e në të majtë gjashtë persona, që të shkretit ishin munduar të pispillosur me kollare.
Afër Edi Ramës rrinte këshilltari i tij Baton Haxhiu. Baton Haxhiu e mbron tash Edi Ramën, kryeministrin e Shqipërisë. Baton Haxhiu, që kishte vjedhur paratë e shokëve gjatë luftës, paraprakisht e kishte njoftuar, Edi Ramën, se kënd e kishte aty dhe me çka merreshin. Kush i ka vetëm dy fije mend në kokë, mund ta ketë kuptuar për dy arsye; e para, i ka spiunuar se ishin “moderatorë” të disa portaleve dhe ju tha pa bërë pyetje se ju merruni me PORTALE, bile disa herë e përmendi dhe e dinte se aty kishte që nuk kishin luftuar dhe nuk kishin prekur pushkë me dorë. Për çudi njërit prej tyre iu drejtua drejtpërdrejt duke i thënë:”… ti nuk ke luftuar”. “Analistët” i thënçin vetes, analistë humbën dhe u treguan kokëderra dhe kokë- trashë. Edi Rama i bëri lopë, i përbuzi dhe i nënçmoi me shumë të drejtë. Lëre që nuk dinin të bënin pyetje, por u bënë aq të mërzitshëm sa nuk iu tha:”Ikni nga këtu more kokëderra”.
Kurdisja e Baton Haxhiut
Qëllimisht spiuni i UDB-ës serbe, Baton Haxhiu, që ngjitet si shushunja vetëm për para, qoftë me serbët, ose me rusët nuk ka rëndësi, i kishte gjetur rrugëve këta “analistë”. Njëri prej tyre me çonte mallin e një hoxhe që nuk kishte as “mejtep”, me një “çitap” në dorë mundohej të bënte pyetje. I ngjante hoxhallarëve në xhemat para se të mbulohej xhenazja me dy-tre kubikë dheu. Për t´i përbuzur deri në skajshmëri “analistët” që Baton Haxhiu i kishte gjetur kafeneve, Edi Rama luti që t´i përkthente në gjuhën shqipe dhe se interesant ishte kur për një pyetje të një studenti pasi shikoi orën e dorës tha:”…pas dy orë ishte e vetmja pyetje…”. Kësaj ndryshe i thuhej se kot humba kohë me këta gjysme analfabetë dhe kokëderra ose edhe me keq, por, këta e zënë vetin goxha diçka. Bishtdredhuri dhe dallaveraxhiu, Baton Haxhiu, u tregua hapur se ishte puthadorë, i Edi Ramës, i merrte vetëm “temena” atij ndërkaq, “analistëve” që qëllimisht i kishte gjetur sokakëve, u bërtiste. Shih për këtë, Edi Rama, kryeministri i Shqipërisë, pasi i përbuzi që këta nesër nuk guxojnë të dalin rrugëve të Prishtinës se do i pështyjnë edhe zogjtë e malit ikën të turpëruar dhe me bishtin ndër shalë.
Është shumë mirë që këta nuk kishin turp.
Po të kishin pak turp dhe pak surrat nuk do të lejonin një gjë të tillë. Dhe krejt në fund fare, dorën në zemër nuk e kam dëgjuar Edvin Kristaq Ramën, kryeministrin e Shqipërisë duke thënë, por, me gjasë i ka thënë Baton Haxhiut: “Përse m’i solle këtu këta kokëderra për të humbur kohë?”. Pasi iku Edi andej Drinit,”analistët” pa fije turpi po mundohen të mbrohen. Mosni, mosni se i vjen era, ashtu si po ju vjen era juve. Ju mori me vete dylberi i Serbisë, Baton Haxhiu. Ja punoi mirë ky bishtdredhur. Ju mos dilni para Vitit të Ri rrugëve të Prishtinës, sepse nga ju do bëjnë me gishtin tregues të gjithë si të mjerë, qyqarë që jeni mësuar t´i bëni pyetje Isa Mustafës, Ismet Beqirit, Adem Grabocit Kadri Veselit, Hashim Thaçit dhe disa pishpirikëve dhe disa muzurëve. Edi Rama nuk është i kësaj bande. Ai është zier në kazanë tjetër, nuk është zier ne kazanët e Beogradit, të dala nga kopeja e staneve të Kalemegdanit dhe të Zemunit, ku është kalitur Baton Fazli Haxhiu! Edi Rama, kryeministri i Shqipërisë i çoi “selam” edhe disa langonjve që nuhasin dhe lehin për kombin kosovar duke mohuar KOMBIN SHQIPTAR. Lehin se për këtë punë paguhen. Te nesërmen, filluan të flasin. Kot! Edi Rama ka ikur dhe nuk dëgjon më andej bjeshkëve…
