Shefi i Misionit Vëzhgues të BE-së, Alojz Peterle: Bashkimi Evropian nuk rekomandon heqjen e balotazhit

Shefi i Misionit Vëzhgues të Bashkimit Evropian, Alojz Peterle, ka thënë se heqja e balotazhit nuk është në rekomandimet e vëzhguesve të BE-së, të cilët kanë monitoruar procesin zgjedhor të 22 tetorit në Kosovë. “Kjo nuk është në rekomandimet tona dhe varet nga partitë politike në Kuvendin e Kosovës nëse do të ndryshonin apo jo. Por, nuk është detyra jonë të merremi me këtë”, ka thënë Peterle për portalin “Arbresh.info”. Ndërkohë ditë më parë ekspertët e zgjedhjeve kanë thënë se heqja e balotazhit do të prodhonte zgjedhje më të mira.