Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Ramush Haradinaj ka thënë se 18 vjet më parë në skenën politike të Kosovës ka ardhur Aleanca për Ardhmërinë e Kosovës, duke krijuar kështu një mes politik. Përmes një postimi në rrjetin social Haradinaj ka theksuar se përgjatë këtyre viteve, Aleanca u shndërrua në një lëvizje, që nuk i lejoi polet ta orientojnë skenën politike nga ndonjëri ekstrem.
“Ardhja në skenën politike, 18 vjet më parë, e Aleancës për Ardhmërinë e Kosovës, krijoi një mes politik. Përgjatë këtyre viteve, Aleanca u shndërrua në një lëvizje, që nuk i lejoi polet ta orientojnë skenën politike nga ndonjëri ekstrem. Pas luftës çlirimtare, AAK-ja ishte e vetmja parti që lejoi garën politike duke e respektuar demokracinë e vendit. Në këtë rrugëtim 18 vjeçar, jemi munduar t’ia lehtësojmë Kosovës ecjen përpara. Kjo përpjekje po vazhdon me qeverisjen e tanishme, ku kemi ndërmarrë shumë veprime e vendime në të mirë të qytetarëve dhe zhvillimit ekonomik të vendit”, ka shkruar Haradinaj.
