Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deklarata e zëdhënëses së BE-së, Maja Kocijançiq e cila tha se Asociacioni duhet të formohet sipas ligjeve të Kosovës, ka shkaktuar reagime të ashpra në Serbi. Pas Marko Gjuriqit, ka reaguar edhe kryetari serb, Aleksandar Vuçiq, i cili ka thënë se Asociacioni duhet të formohet sipas marrëveshjes në Bruksel, duke kritikuar ashpër BE-në. “Le të na tregojë BE-ja se ku thotë në marrëveshje që duhet të formohet sipas ligjeve në Kosovë”, tha Vuçiq. Madje, ai thotë se e di përmendsh marrëveshjen e Brukselit, duke theksuar se nuk ka ndonjë tekst të tillë. Unë dua që të na tregojnë se ku thotë në marrëveshje ashtu, sepse unë e di përmendësh marrëveshjen e Brukselit, ju e keni edhe në faqen e qeverisë”, tha presidenti serb në RTS. Vuçiq tha se me këtë rast u dëshmua edhe një herë se sa të vështira janë bisedimet me Kosovën.
