Anëtarësia e nëndegës së Vetëvendosjes, në lagjen “Bajram Curri”, mbështet Shaqir Totajn për kryetar të Prizrenit

Anëtarësia e nëndegës së Vetëvendosjes, në lagjen “Bajram Curri”, mbështet Shaqir Totajn për kryetar të Prizrenit

Njëra nga nëndegët më të mëdha të Vetëvendosjes  në Prizren, ajo në lagjen “Bajram Curri” ka aderuar komplet në Partinë Demokratike të Kosovës duke e mbështetur Shaqir Totajn për kryetar të Prizrenit. Ky lajm u bë i ditur në një konferencë për media të mbajtur dje  nga Partia Demokratike e Kosovës, dega në Prizren ku të pranishëm ishin të sapo aderuarit. Kandidati për kryetar të Prizrenit, Shaqir Totaj së bashku me shefin e shtabit, Kujtim Gashi dhe përfaqësuesin e nëndegës së PDK-së nga lagjja “Bajram Curri”, Albrim Badallaj kanë prezantuar aderimin në PDK të 14 antarëve të kryesisë së VV-së të nëndegës “Bajram Curri”. “Jam shumë i nderuar, i lumtur dhe falenderues ndaj këtij besimi të madh që po marr çdo ditë nga qytetarët e Prizrenit pa dallim partie. Prania këtu me neve sonte e anëtarëve të kryesisë së nëndegës së Lëvizjes Vetëvendosje në lagjen “Bajram Curri”, që tashmë janë anëtarët më të rinj të ekipit tonë fitues, është dëshmi e mbështetjes gjithnjë në rritje për vizionin tonë për Prizrenin zhvillimor. Është tashmë e qartë që programi dhe vizioni jonë ka depërtuar tek çdo lagje, familje e shtëpi të komunës së Prizrenit. Ne do të qeversim për qytetarët dhe bashkë me qytetarët” është shprehur Totaj në deklarimin e tij në këtë konferencë për media.

Aktivistëve të VV-së u ka uruar mirëseradhje në Partinë Demokratike të Kosovës edhe shefi i shtabit zgjedhor, Kujtim Gashi. Ai i ka falendëruar për besimin dhe mbështetjen duke ftuar edhe të tjerët që ta braktisin kryetarin në ikje dhe të dëshuar të Prizrenit.

Ish-kryetari i nëndegës së VV-së në lagjen “Bajram Curri”,  Qëndrim Kryeziu, ish-nënkryetari, Shkodran Kryeziu, ish-sekretari organizativ Visar Xhoxhaj dhe 11 ish-anëtarë të kryesisë së VV-së kanë falendëruar Kryetarin Totaj që e hapi derën dhe i mirëpriti.

Ata u shprehën të zhgënjyer me kryetarin në ikje të Prizrenit, i cili jo vetëm që nuk përmbushi asnjë premtim të tij, por ka degraduar qytetin dhe veçmas dështimi është i dukshëm në lagjen “Bajram Curri”. Ata janë shprehur optimist se me kryetarin e ardhshëm të Prizrenit, Shaqir Totaj, do të kthehen edhe punët e mira dhe investimet në lagjet e Prizrenit.

Kontrolloni gjithashtu

Deputeti i PDK-së, Elmi Reçica në krye të një delegacioni ka zhvilluar një vizitë zyrtare në Kuvendin e Republikës së Shqipërisë

Deputeti i PDK-së dhe anëtar i Komisionit Parlamentar për Integrim Evropian,  Elmi Reçica së bashku …