Azem Syla

Azem Syla është arrestuar sërish nga EULEX-i

Avokati, Tomë Gashi, ka bërë të ditur për mediet se Policia e  EULEX-it ka arrestuar sërish Azem Sylën, i cili ndodhej nën masën e sigurisë, në arrest shtëpiak. Syla është arrestuar për gjoja ndikim në njërin prej dëshmitarëve të mbrojtur. Gashi këtë arrestim e ka vlerësuar si skandal të radhës.  Sipas kërkesës se Pokurorit të EULEX-it, gjyqtarja në rastin “Toka” sot më 16 shtator 2016 ka lëshuar një urdhër për arrestimin e z. Azem Syla, me arsyetim se gjoja  në këtë rast ka përpjekje  të ndikimit në njerin prej dëshmitarëve të mbrojtur. Në urdhërin për arrestim të Gjykatës Themelore në Prishtinë qartë thuhet se dikush tjeter e jo z.Azem Syla, e ka kontaktuar dëshmitarin e mbrojtur kohë më parë pas lirimit të Sylës dhe të tjerëve nga paraburgimi. Është skandaloze dhe duket e qëllimshme pse ata nuk e kanë  arrstuar personin, të cilin e dinë se kush është, atë që eventualisht e ka kontaktuar dëshmitarin e mbrojtur. EULEX-i e pranon se ata kanë qenë në objektin e dëshmitarit, kur kjo ka ndodhur dhe e kanë fotografuar personin që e ka kontaktuar dëshmitarin e mbrojtur. Ish-deputeti i PDK-së, Azem Syla, dyshohet nga Prokuroria Speciale e Kosovës se ishte udhëheqësi i një grupi kriminal që është marrë me shitjen e pronave shoqërore në periferi të Prishtinës.

Kontrolloni gjithashtu

Blerta Deliu-Kodra

Blerta Deliu, kritikon ministren e Drejtësisë, Albulena Haxhiu, për pjesëmarrje në fushatën zgjedhore në Maqedoninë e Veriut

Deputetja e PDK-së, Blerta Deliu, ka kritikuar ministren e  Drejtësisë, Albulena Haxhiu, për pjesëmarrjen e …