Christine Lagarde: Çmimet e produkteve do të vazhdojnë të rriten deri në fund të vitit

Shefja e Bankës Qendrore Evropiane (BQE), Christine Lagarde ka deklaruar se çmimet e produkteve do të vazhdojnë të rriten deri në fund të vitit. “Ne jemi ende në një fazë ku ekonomia po rihapet dhe efektet e pandemisë COVID-19 nuk janë shfaqur plotësisht. Ky inflacion është i padëshiruar, i dhimbshëm dhe natyrisht ka shqetësime se sa do të zgjasë”. Shefja e Bankës Qendrore Evropiane (BQE), Christine Lagarde ka thënë më tutje se tani duhet të identifikohen nxitësit kryesorë të inflacionit për ta kuptuar mënyrën se si politika monetare të përgjigjet në rrethanat aktuale. “Këta nxitës duket se do të zhduken në periudhën afatmesme, që është fushëpamja që ka rëndësi për politikën monetare. Dhe, për shkak se ato rrjedhin kryesisht nga ana e ofertës dhe çmimet e energjisë, ata ndoshta do të ngadalësojnë ritmin e rimëkëmbjes afatshkurtër” ka thënë mes tjerash, shefja e Bankës Qendrore Evropiane (BQE), Christine Lagarde.

Kontrolloni gjithashtu

Bamieh

Maria Bamieh: Në vend se të urohesha për paraqitje e provave të korrupsionit në EULEX, më larguan nga puna

Ish prokurorja e EULEX-it që paraqiti provat e korrupsionit në këtë mision e nga ku …