Dardan Molliqaj

Dardan Molliqaj: E. Trendafilova më së miri do të ishte të kthehej prapa dhe jo ta bënte sigurimin e saj Policia e Kosovës

Kryetari i PSD-së, Dardan Molliqaj, ka reaguar ashpër pas një njoftimi të Policisë së Kosovës ku njoftohej për disa masa lidhur me vizitën e kryetares së Gjykatës Speciale. Molliqaj ka thënë se Ekaterina Trendafilova më së miri do të ishte të ktheje prapa. Përpjekja për ta normalizuar padrejtësinë e Gjykatës Speciale, sot paska shkuar një hap tutje. Znj. Trendafilova iu paska ofruar siguri shtesë. Janë thyer protokollet shtetërore sikur ajo të jetë vizitë e ndonjë presidenti nga ndonjë vend i rëndësishëm, e jo kryesuesja e Dhomave të Specializuara – organ që bën diskriminim të vazhdueshëm etnik, racor dhe njerëzor. Për ironi të fatit, kërkohet edhe mirëkuptim nga qytetarët për pengesa eventuale në trafik. Sikur të ishte vetëm ky problemi i kësaj vizite. Mbase edhe kanë arsye për ta ruajtur, duke ditur që në Kosovë është e papranueshme dhe revolta ndaj saj është evidente. Më mirë do të ishte të kthehej prapa”, ka shkruar Molliqaj.

Kontrolloni gjithashtu

Hoti

Avdullah Hoti: “Ligjëratat” e Albin Kurtit nëpër Irlandën Veriore ishin vetëm pretekst për të ikur nga takimi në Tiranë

Deputeti LDK-së, Avdullah Hoti, ka reaguar lidhur me mos-shkuarjen e kryeministrit Albin Kurti në Tiranë …